Aniversario de xaneiro e primeiro mandadiño de Manolo

Este venres estivemos moi atarefados: celebramos o aniversario de Lucía e fomos facerlle a primeira visita ó esqueleto Manolo.

Parece mentira, pero xa comezamos a cumplir cinco anos. Pasámolo moi ben no cumple, porque tralo biscoito -riquísimo- , bailamos un montón (e é que últimamente están todos moi bailaríns)

Antes de ir á biblioteca a coller os libros, fixemos unha paradiña xunto o esqueleto Manolo, que tiña unha mensaxe para nós:

Hoxe cumprimos todos co seu mandadiño:

Primeiro mandadiño - presentacion imagenes

Qué sorpresa nos terá preparada para mañá??

Día da Paz

Onte celebramos o Día da Paz, e ainda que parecía que a chuvia nos ía dar unha tregua, ó final o espectáculo quedou un pouco deslucido polas gotiñas que caeron. Pero de todas formas disfrutamos un montón facendo o baile da canción africana "Jambo bwana" e escoitando os nenos maiores interpretando "carros de fuego". Gracias por acudir ós que puidéchedes e esperamos que o pasarades ben!

Dia da paz - diapositivas

Portada do proxecto

O proxecto dos animais salvaxes está dando os seus últimos coletazos, así que estes días, no taller de plástica, estivemos facendo unha portada á altura das circunstancias. Fixemos unha xirafa moi feitiña con témpera, pincel e esponxa. Aínda temos que escribir o título, pero xa temos case todo listo.

Pedrazo

Calquera situación é boa para aprender, e esta semana o clima deu moito que falar: frío, neve, chuvia e pedrazo. Este último empezou a caer cando estabamos todos traballando en clase e aproveitamos para sair a ver como caía, a tocalo e a intentar averiguar de onde saían esas pedriñas tan pequeniñas e tan frías, que nada más collelas se derretían.

Origami ou papiroflexia

Continuando co proxecto dos animais salvaxes, estes días estamos profundizando un pouquiño nos elefantes: diferenciar os asiáticos dos africanos, que están en perigo de extinción, qué comen, como viven, para que empregan a trompa, etc.

Tamén estivemos falando sobre o origami ou papiroflexia, que é a arte de construir figuras con papel e as nosas mans, sen empregar tesoiras, pegamento...só dobrando. Así que puxémonos mans á obra, e na hora de plástica fixemos un elefante, moi, moi sinxeliño. Aínda que non o fixeron todo eles sos -precisaron algo da miña axuda- eles ían dobrando e desdobrando tal e como lles ía explicando. Xa tedes o resultado na vosa casa...gustouvos?

Visita á biblioteca de Pontedeume

Hoxe pola mañá tivemos unha sorpresa! Collemos os nosos abrigos e fomos camiño á vila a visitar a biblioteca de Pontedeume. Recibiunos Alexandre que viu moitas caras coñecidas entre os nenos e nenas das xirafas e tartarugas. Deixounos ler moitos contos e pudimos ver a proxección de "Chucho Cacho".

Os que non sexades socios ¡animádevos!, vale a pena.

O rencontro

Parece que foi hai moitísimo tempo que estivemos todos no cole festexando a chegada do Nadal. Onte foi un día emocionante de rencontros, de contar o que fixemos nestas vacacións, e, sobre todo dos regalos que nos trouxo Papá Noel e os Reis Magos. Polo que contaron, deberon de ser todos moi bos.

Eu tamén debín de ser moi boa, que tiven unha mascota preciosa da clase. Moitas grazas, Cris!!