Video dos sorrisos

Si queredes ver un vídeo moi bonito, visitade o web do cole (pinchando aquí ). Disfrutádeo a pantalla completa!!

Estrenando a biblioteca

Onte, mércores, fomos por primeira vez á biblioteca. Alí recibiunos Güino, e moi caladiños sentámonos nos sofás a esperar o noso turno.



Despois, cada un escolliu soiño o libro que quería levar para casa, de entre todo o montón que temos disponibles. Xa na clase, metímolos nas nosas mochilas para poder levalos a casiña.



A lectura dun libro unha ocasión moi boa para compartir momentos cos papás e outros familiares, e soe motivar os cativos por ser eles quenes o elixiron.
Poderedes dispoñer do libro ata o mércores seguinte, como moi tarde, posto que é o día que temos establecido para ir a devolvelos, e coller outros novos.

Sorrir para convivir

Seguro que moitos de vos xa víchedes o mural dos sorrisos, con fotos de todos os nenos de infantil (e profes tamén). Pero agora xa está definitivamente rematado, pois xa engadimos as frases coas cousas que nos fan sorrir. Aquí o tedes:



(Recordade, click nas fotos para velas en grande)

Cadrados

Xa estamos traballando a pleno rendimiento. Onte foi o día dos cadrados: os buscamos no noso entorno, entre todos os bloques lóxicos e tamén o debuxamos. O resultado final foi un cadrado preciosísimo:

Benvidos de novo!!

Aquí estamos outra vez, nun ano novo e con enerxías renovadas.
Gracias ós papás de Naiara por mandar fotos do festival de Nadal. Compartimos algunhas delas con vos.

FELIZ ANINOVO!!

Festival de nadal

Tras a entrada na que falamos da visita dos Paxes, hoxe toca a última entrada do ano, a do festival de nadal.
Estes dous días de actuacións, foron moi emocionantes. Todos os mestres e alumnos do cole traballamos moito para que saíse ben.
Seguro que o mércores poidestes ver como quedaron finalmente os adornos dos que levamos falando ó longo de varias entradas. Por si alguén non puido acudir, aqui vos poño unha mostra:



Polo que respecta as tartarugas, estaban todas moi emocionadas por poder actuar ante todo o cole e as familias. Aínda que non sabería como responderían os seus nervios en escena, eu creo que quedou moi, moi ben.
Viñeron moi guapos das casas, coas súas nariciñas e rabiños. Na sesión de fotos de clase, posaron moi contentos de un en un (aínda que por un fallo técnico nos falta a de Javi)

E tamén por "especie": ratiños, canciños, michiños e avoa.



Era moi gracioso velos xogar pola clase así disfrazados. E tamén, a pesares de que o primeiro día non vimos os zocos de Inés, estaba graciosísima con eles (e gardou o equilibrio estupendamente!)



Teño algunha foto da actuación (do primeiro día, neste caso). Se queredes compartir as vosas co resto dos papás, enviadeas ó correo infantilcouceirofreijomil@gmail.com .



AS TARTARUGAS VOS DESAXAMOS UN BO NADAL!!

Visita dos paxes

O martes, trala actuación, tiñamos unha sorpresa agardando no corredor. Eran uns gaiteiros anunciado a chegada dos Carteiros Reais. As xirafas e tartarugas xuntámonos nunha clase e alí, un por un, entregamos cada un a nosa carta ós Reis Magos.
Algúns rapaces foron un poco reticentes a acercarse, pero ó final todos metimos a cartiña no buzón. Seguro que neste momento as están lendo as Súas Maxestades.